माण बाजार समितीची निवडणूक होणार रंगतदार..! १८ जागांसाठी विक्रमी १०२ उमेदवारी अर्ज दाखल.!
बिजवडी - माण तालुका कृषी उत्पन्न बाजार समिती दहिवडी ता.माण संचालक मंडळाच्या सन २०२१-२२ ते २०२६-२७ या पंचवार्षिक निवडणूकीसाठी १८ जागांसाठी विक्रमी १०२ उमेदवारी अर्ज दाखल झाले आहेत. त्यामुळे ही निवडणूक रंगतदार होणार आहे. माण बाजार समितीचे एकूण २०६५ मतदार १८ संचालक निवडून देणार आहेत.सोसायटी मतदार संघातून ८९५ मतदार ११ संचालक निवडून देणार आहेत. त्यातील सात जागा खुल्या प्रवर्गासाठी, दोन जागा महिलांसाठी, इतर मागास प्रवर्ग साठी एक तर विमुक्त जाती व भटक्या जमाती साठी एक जागा आरक्षित आहे. ग्रामपंचायत मतदार संघातून ८३५ मतदार ४ संचालक निवडून देणार आहेत. व्यापारी व आडते मतदार संघातून ३३४ मतदार २ संचालक निवडून देणार आहेत.तर हमाल तोलारी मतदार संघातून एक संचालक निवडून द्यावयाचा असून त्यासाठी फक्त एकच मतदार आहे. माण तालुक्यातील राजकीय मंडळींनी बाजार समितीची निवडणूक चांगलीच मनावर घेत स्वतंत्र पँनेल टाकले आहेत.त्यामुळे १८ जागासाठी १०२ अर्ज दाखल झालेत.राज्यात महाविकास आघाडीचे सरकार असल्यामुळे भाजपा विरोधात शिवसेना -राष्ट्रवादी - राष्ट्रीय कॉग्रेस पक्ष एकत्र येऊन आघाडी करत बाजार समितीची निवडणूक लढवतील...
