कर्तव्य दक्ष - आवाज सर्वसामान्यांचा

बिजवडी - गोंदवले बु.ता.माण येथील  ब्रम्हचैतन्य देवस्थान ट्रस्टचे चैतन्य रुग्णालय प्रशासनाने कोविड सेंटरसाठी अधिगृहित केले होते.विधानपरिषदेच्या उपसभापती व शिवसेना उपनेत्या ना.डॉ.निलमताई गोऱ्हे यांच्या प्रयत्नांतून देवस्थानचे ट्रस्टचे पदाधिकारी तसेच प्रांताधिकारी शैलेश सुर्यवंशी यांच्या सहकार्याने आज चैतन्य रूग्णालय लोकांच्या सेवेसाठी कोविड सेंटर म्हणून आरोग्य विभागाकडे हस्तांतरित करण्यात आल्याची माहिती शिवसेना उपजिल्हाप्रमुख संजय भोसले यांनी दिली.  संजय भोसले म्हणाले ,गोंदवलेतील चैतन्य रूग्णालय कोविड सेंटर करण्यासाठी ना.निलमताई गोऱ्हे यांचे विशेष प्रयत्न आहेत.प्रांताधिकारी शैलेश सुर्यवंशी यांच्याशी यासंदर्भात चर्चा करून आज देवस्थानचे ट्रस्टी विश्राम पाठक व  आरोग्य अधिकारी लक्ष्मण कोडलकर यांच्यात समन्वय साधून रूग्णालय हस्तांतरित करण्यात आले. गोंदवले देवस्थान ट्रस्टचे चैतन्य रुग्णालयामध्ये पहिलेच ८ आॅक्सीजन बेड व इतर २१ बेडची सोय असून याठिकाणी २५ रूग्णांची सोय होणार आहे.या ट्रस्टने आरोग्य खात्याकडे अधिकची २०० काॅट्स ,गाद्या,बेडसिट व हजारो रुग्णांच्या ...

बिजवडी - राज्यामध्ये कोव्हिड संसर्गाची दुसरी लाट मोठ्या प्रमाणात पसरत आहे. माण आणि खटाव मध्ये मोठ्या प्रमाणात कोरोना संसर्ग वाढत आहे त्यामुळे रुग्णांकडून ऑक्सिजन बेडची मागणी सातत्याने केली जात आहे. शासनाकडून व खासगी संस्थांकडून ऑक्सिजन बेडच्या सुविधा निर्माण केलेल्या आहेत तथापि मागणी पाहता या सुविधा अपुऱ्या पडत आहेत. लोकांना सातारा, सांगली, पुणे, बारामती याठिकाणी आम्ही बेड उपलब्ध करून देत आहोत, परंतु त्याही ठिकाणी संसर्गाचे प्रमाण जास्त असल्याने बेड अपुरे पडत आहेत. त्यामुळे माण आणि खटावमध्ये ड्रीम सोशल फौंडेशनच्या प्रमुख अनुराधा देशमुख आणि मुकुल माधव फौंडेशनच्या प्रमुख रितू छाब्रिया यांच्या मदतीने व सहकार्याने सुसज्ज असे ऑक्सिजन बेड असलेले कोव्हीड सेंटर उभे करण्यात येत आहे. त्याच प्रमाणे अत्यावश्यक असलेली औषधे गरजू रुग्णांना  उपलब्ध करून दिली जाणार असल्याची माहिती माजी विभागीय आयुक्त व खटाव माण राष्ट्रवादी कॉंग्रेसचे नेते प्रभाकर देशमुख यांनी दिली. ​कोरोनाच्या दुसरे लाटेने माण व खटाव मध्ये भीषण स्वरूप धारण केलेले आहे. अनेक लोकांना उपचार करूनही आपले प्राण गमवावे लागले आह...

बिजवडी - मौजे जाधववाडी ,तोंडले ता.माण येथे ओम अगाशिव ग्रा.बि.शेती पतसंस्था मर्या. मलकापूर ता.कराड या संस्थेने चारा छावण्या चालवण्यास घेतल्या होत्या.छावणी काळात त्यांनी शेतकऱ्यांकडून चारा व पाणी विकत घेतल होत.शासनाचे अनुदान येऊनही या संस्थेने व छावणी चालकांनी संबंधित शेतकऱ्यांची बीले न देता त्यांची फसवणूक केली असल्याची लेखी तक्रार शेतकऱ्यांनी प्रांताधिकाऱ्यांकडे केली होती.त्यामुळे या संस्था व चालकांविरोधात शेतकरीवर्गातून नाराजी व्यक्त होत असताना शेतकऱ्यांची बीले रखडवणाऱ्या या संस्थेवर प्रशासन काय कारवाई करणार याकडे सर्वांचे लक्ष लागून राहिले आहे.  मौजे जाधववाडी ,तोंडले ता.माण येथे ओम अगाशिव ग्रा.बि.शेती पतसंस्था मर्या. मलकापूर ता.कराड या संस्थेने चारा छावणी चालविली होती.या चारा छावणी चालकांनी व संस्थेने मनमानी कारभार करत शेतकऱ्यांची फसवणूक केली होती.शासनाकडून बीले मिळूनही शेतकऱ्यांचे चाऱ्याचे व पाण्याचे पैसे न देता त्यांची फक्त फसवणूक केली जात होती.चारा व पाणी बिलासाठी शेतकऱ्यांनी संस्था व छावणी चालक यांच्याकडे पाठपुरावा केला होता.तर त्यांनी दिलेले चेक अनेकदा बाऊन्सही झा...

बिजवडी - माण तालुक्यात कोरोनाचा फैलाव मोठ्या प्रमाणात होत आहे.विशेषत: म्हसवड शहर व परिसरात कोरोनाचे रुग्ण मोठ्या संख्येने वाढत आहेत. यामुळे उपविभागीय अधिकारी माण-खटाव यांचेकडील व मुख्याधिकारी म्हसवड नगरपरिषद म्हसवड यांचेकडील आदेशान्वये संपूर्ण म्हसवड शहर प्रतिबंधीत क्षेत्र घोषित करणेत आले आहे. त्यामुळे प्राथमिक शिक्षक सहकारी बँक सातारा च्या  म्हसवड शाखेचे दैनंदिन व्यवहार मा. उपविभागीय अधिकारी माण-खटाव यांचे पुढील आदेश प्राप्त होईपर्यंत बंद राहतील अशी माहिती शिक्षक बँकेचे व्हा.चेअरमन महेंद्र अवघडे व संचालक राजाराम खाडे यांनी दिली.  सभासद व ग्राहक यांनी आपल्या अत्यावश्यक आर्थिक व्यवहारा संबंधी आपले बँकेचे दहिवडी शाखेत अथवा म्हसवड शाखेच्या ७८८८००५८१० या मोबाईल नंबर वर संपर्क साधावा. तसेच कोरोनाच्या वाढत्या संसर्गाच्या पार्श्वभूमीवर सर्व सभासद बंधू-भगिनीनी काळजी घ्यावी असे आवाहन व्हा.चेअरमन महेंद्र अवघडे यांनी केले आहे.

बिजवडी -माण तालुक्यातील टंचाईग्रस्त गावांचा टंचाईत समावेश होत नसल्याने पाण्याच्या टँकर पासून वंचित असलेल्या गावांच्या मागणीची दखल घेत शिवसेनेचे उपजिल्हाप्रमुख संजय भोसले यांनी प्रशासनाविरोधात आंदोलनाचा इशारा दिला होता.प्रशासनाने याची तात्काळ दखल घेत टंचाईग्रस्त गावांचा टंचाईत समावेश करण्यात आल्याने संजय भोसलेंच्या प्रयत्नांना यश आले असून त्या गावांना लवकरच पाण्याचे टँकर सुरू होणार आहेत. माण तालुक्यातील १४ गावांनी पाणीटंचाईमुळे प्रशासनाने टँकर सुरू करावा म्हणून मागणी केली होती.मात्र माण तालुक्यात टंचाई घोषित नसल्याने या गावांना पाणी मिळण्यास अडचणी निर्माण होत होत्या.यासंदर्भात वृत्तपत्रातून आवाजही उठवण्यात आला होता. बहुतांश भागामध्ये पाण्याची तीव्र टंचाई मार्च महिन्यामध्येच जाणवू लागल्याने काही ग्रामपंचायतीनी पाणीटंचाईचे प्रस्ताव सादर केले होते. यानंतर ग्रामस्तरातील सरपंच ,सदस्य यांनी अधिकार्‍यांच्या गाठी भेठी घेऊन पाठपुरावे करुन देखील गावे टंचाईत न बसल्याने कोणताच मार्ग निघत नव्हता.  याबाबत वृत्तपत्रातूनही आवाज उठवण्यात आला होता.काही गावातील सरपंच,उपसरपंच ,सदस्यांनी शिव...

बिजवडी : गेले वर्षभर कोरोनाचा खेळ खेळणारें सरकार आतां कोरोना लस घेण्यासाठीं परत एकदा कोरोनाची लाट आल्याचे नाटक करून भारतीयांना फसवत आहे व लुटत आहे. कोरोनाची कल्पना बिल गेट्स च्या डोक्यांतून निर्माण झाली असून भारतासह अनेक देश बिल गेट्सची खेळणी आहेत  हे जगातील अनेक तज्ञ ओरडून सांगत आहेत. तरीही लोकांचे डोळ्यांत धूळ फेकणें चालू आहे.त्यामुळे कोरोना हा वायरस नसून दहशत असल्याचे परखड मत ह.भ.प. बंडातात्या कराडकर यांनी प्रसिध्दीपत्रकाद्वारे व्यक्त केले.  ह.भ.प. बंडातात्या कराडकर म्हणाले , भारतात प्रतिवर्षी कॅन्सरने मरणाऱ्या रुग्णांची संख्या सरकारी माहितीनुसार साडेसात ते आठ लाख आहे.दारू पिऊन मरणाऱ्यांची संख्या अडीच लाख आहे. असे असतांना फक्त बनावट कोरोनाने मरणाऱ्या  रुग्णांची संख्या वाढवून सांगितली जाते. तंबाखू , तंबाखूजन्य व अन्य मादक पदार्थांचे उत्पादन, विक्री व सेवनावर कोणतेही बंधन नाही. यावरून सरकार दांभिक आहे हें सिद्ध होतें.कोरोनाला नागरिकांनी घाबरून जाऊ नये. कोरोनाची लक्षणे ताप , थंडी, सर्दी , कफ , खोकला अशी सामान्य असून तो जीवघेणा रोग नाही. ( मुळात कोरोनाच नाही ) त्यावर आयु...

बिजवडी ,ता.१२: - दहिवडी येथील श्री सिध्दनाथ पतसंस्थेने नुकत्याच संपलेल्या आर्थिक वर्षात ४६६ कोटी रूपयांचा एकत्रित व्यवसाय केला असुन लवकरच संस्था ५०० कोटींचा टप्पा पुर्ण करेल. तसेच या संस्थेस दि.३१ मार्च अखेर ७.५० कोटी रूपये नफा झाल्याची माहितीही सिध्दनाथ नागरी सहकारी पतसंस्थेचे चेअरमन सुनिल पोळ यांनी दिली . चेअरमन सुनिल पोळ म्हणाले ,स्व. वाघोजीराव पोळ काका यांनी दुरदृष्टीतृून सन १९९० मध्ये ही संस्था स्थापन केली. या संस्थेच्या आर्थिक वर्ष २०२१ अखेरिस २६२ कोटी ठेवी झाल्या असुन २०४ कोटी रूपयांचे कर्ज वितरण झाले आहे . संस्थेची बँकेतील गुंतवणुक १३० कोटी रूपयांची असून भाग भांडवल २० कोटी २४ लाख रूपये आहे. आजअखेर १३ हजार १०० इतकी सभासद संख्या असून संस्थेच्या २४ शाखा व भव्य मुख्य कार्यालय कार्यरत आहे.गेल्या वर्षीपासून कोरोनाचे सावट असताना देखील संस्थेने सर्व क्षेत्रात नेत्रदिपक प्रगती केली आहे यामध्ये संस्थेचे संचालक, सभासद, ठेवीदार,कर्जदार , हितचिंतक, सेवक यांचा मोलाचा वाटा आहे. येणा-या काळात कोअर बँकिंग प्रणालीदवारे सभासंदाना सेवा सुविधा देण्याचा प्रयत्न करण्यात येणार आहे . याच म...

बिजवडी - कोरोनाची महामारीमुळे सर्वच ठिकाणी संचारबंदी असून काही अत्यावश्यक सेवा वगळता सर्व काही बंद आहे.अशा परिस्थितीत माणच्या उत्तरेस सर्वच गावांमध्ये तसेच पूर्व व पश्चिमेकडील बहुतांश गावांत पिण्याच्या पाण्याची टंचाई कित्येक दिवस सुरु आहे.पाण्यासाठी लोकांना अनेक मैल पायपीट करुनही हांडाभर पाणी सापडत नाही.यासाठी आतापर्यंत १४ ग्रामपंचायतींनी प्रशासनाकडो पाण्याची मागणी केली आहे.यासाठी या गावांचा अगोदर टंचाईत समावेश करण्याची गरज आहे.मात्र याबाबत तहसिल प्रशासन उदासीन दिसत असून याकडे जाणीवपूर्वक दुर्लक्ष करत आहेत.कोरोना काळात बाहेर फिरण्यासाठी मज्जाव असताना पाण्यासाठी जनतेला रस्त्यावर उतरण्यास भाग पाडू नका असा इशारा माणच्या तहसिल कार्यालयाला शिवसेनेचे उपजिल्हाप्रमुख संजय भोसले यांनी दिला आहे.   पाण्याचे दुर्भिक्ष आणी कोरोनामुळे घरामधून बाहेर निघण्यास मज्जाव या दुहेरी संकटात जनता सापडली असताना  माण महसूलच्या अधिकार्‍यांची कामातील कुचराई व दुर्लक्षित पणा कोरोना अगोदर पाणी पाणी करुन जनतेला तडपडायला लावतो की काय? अशी परिस्थिती निर्माण होत चालली आहे.  तरी शासकीय अधिकार्‍...

बापूराव गुंजवटे : बिजवडी - माण पंचायत समितीत पदाधिकाऱ्यांचा पंचवार्षिक कालावधी काही महिन्यावर येऊन ठेपल्याने उर्वरित दिवसासाठी तरी आपलेही नाव बोर्डावर यावे यासाठी काही पंचायत समिती सदस्यांच्या सुप्त इच्छा प्रकट झाल्या .त्या पूर्ण करण्यासाठी सर्वपक्षिय सदस्य सुरूवातीला नेतेमंडळींच्या परस्पर तर नंतर नेतेमंडळींची मनधरणी करून त्यांच्या परवानगीने पंचायत समितीत सत्तेचा सारीपाट मांडला. यासाठी माण पंचायत समितीतला शिवसेना नेते शेखर गोरे यांच्या धनुष्यबाणाचा वेध रोखण्यासाठी भाजपचे आमदार जयकुमार गोरे ,राष्ट्रवादीचे नेते प्रभाकर देशमुख ,जि.बँकेचे संचालक अनिल देसाई ,रासपचे मामूशेठ विरकर , बबनदादा विरकर यांचे समर्थक सदस्य एकत्र झाले.सभापती विरोधात ८ - २ ने अविश्वास ठराव जिंकत या सारीपाटाचा प्रारंभही त्यांनी यशस्वीपणे केलाय खरा पण या सत्तेच्या सारीपाटात कोणाकोणाला संधी मिळतेय हे पाहावे लागेल.माण तालुक्यातील राजकारण चांगलेच ढवळून निघाले असले तरी सत्ता व खुर्ची काय असते अन ती कशी मिळवायची हे माण पंचायत समितीत रंगलेल्या राजकारणावरून दिसून आले.   शेखर गोरे राष्ट्रवादीत असताना त्यांच्या ने...

बिजवडी -  राज्यातील विविध रुग्णालयांमध्ये आज काही प्रमाणात रक्तपेढींमधील साठा कमी पडू लागला आहे.रक्ताच्या अपुऱ्या पुरवठ्या मुळे रुग्णाच्या जीवितास धोका उत्पन्न झाला आहे. 'रक्तदान हेच सर्वश्रेष्ठ दान’ हीच गरज लक्षात घेऊन क्रांतिसूर्य महात्मा फुले व विश्वरत्न डॉ. बाबासाहेब आंबेडकर यांच्या संयुक्त जयंती निमित्त दि. १४ एप्रिल २०२१ रोजी सकाळी ठीक १० वाजता डॉ बाबासाहेब आंबेडकर भवन दहिवडी या ठिकाणी भव्य रक्तदान शिबीर आयोजित केल्याची माहिती दहिवडी नगरपंचायत च्या नगरसेविका सौ अर्चना विजय खरात यांनी दिली. दहिवडीत प्रत्येक वर्षी मोठ्या उत्साहाने डॉ बाबासाहेब आंबेडकर जयंती साजरी केली जाते. मात्र दुसऱ्यावर्षी सुद्धा कोरोना महामारीच्या संकटा मुळे शासनाने केलेल्या आवाहनास प्रतिसाद देऊन अत्यंत साध्या पद्धतीने डॉ. आंबेडकर जयंती साजरी केली जाणार आहे. कोरोना विषाणूचा वाढता प्रादुर्भाव व कोरोना रुग्ण वाढत असताना आपल्या माण खटाव मधील कोरोनाग्रस्त रुग्णांना रक्ताची मदत व्हावी म्हणून मायणी येथील कोव्हिड सेंटरला या रक्ताचा पुरवठा केला जाणार आहे. रक्तदानाच्या मुख्य दिवशी अधिकाधिक रक्तदात्यांना...

 बिजवडी - माण पंचायत समितीच्या सभापती सौ.कविता जगदाळे यांच्याविरोधात ८ विरूध्द २ ने अविश्वास ठराव मंजूर करण्यात आला.मात्र उपसभापती पदाच्या अविश्वास ठराव प्रक्रियेत राजकीय घडामोडी घडल्याने उपसभापती तानाजी कट्टे यांच्याविरोधातला अविश्वास ठराव २ विरूध्द ८ ने नामंजूर झाला.   माण पंचायत समितीच्या सभापती सौ.कविता जगदाळे व उपसभापती तानाजी कट्टे सदस्यांना विश्वासात न घेता मनमानी कारभार करतात , विकासकामात अडथळा निर्माण करतात ,अरेरावीची भाषा वापरतात ही कारणे देत उर्वरित ८ सदस्यांनी जिल्हाधिकारी सो यांचेकडे सभापती ,उपसभापती यांच्याविरोधात अविश्वास ठरावाचा प्रस्ताव दिला होता.   माण पंचायत समितीच्या सभागृहात आज दि.१२ एप्रिल २०२१ रोजी दुपारी १२ वाजता पीठासीन अधिकारी शैलेश सुर्यवंशी यांच्या प्रमुख उपस्थितीत अविश्वास ठराव प्रक्रिया पार पडली. त्यांना गटविकास अधिकारी एस.बी. पाटील यांनी सहकार्य केले.   गटविकास अधिकारी एस.बी.पाटील यांनी प्रस्तावाचे वाचन केल्यानंतर सभापती सौ.कविता जगदाळे यांच्याविरोधात अविश्वास ठरावासाठी मतदान घेण्यात आले.यात उपसभापती तानाजी कट्टे ,सदस्य रमेश पाटोळे...