कर्तव्य दक्ष - आवाज सर्वसामान्यांचा

बिजवडी : वडूज ता.खटाव येथील ट्रिनिटी इंटरनॅशनल स्कूलमध्ये इंग्रजी भाषेबरोबरच मराठी भाषेला प्राधान्य दिले जात आहे.विद्यार्थ्यांच्या बौध्दिक विकासासाठी त्यांच्यात विज्ञानाची आवड निर्माण करून त्यांना कायम प्रयोगशील व कल्पक बनवण्याकडे गुरूजनांचे लक्ष असते.या हेतूने स्कूलमध्ये विज्ञान प्रदर्शनाचे आयोजन करण्यात आले होते.या प्रदर्शनात पीस हाऊस,हार्मोनी हाऊस,इंटेग्रिटी हाऊस,विस्डम हाऊस मधील सर्व विद्यार्थ्यांनी उत्सफूर्तपणे सहभाग घेतला होता.  ट्रिनिटी स्कूलच्या मार्गदर्शिका हर्षदा देशमुख-जाधव यांच्या मार्गदर्शनाखाली या विज्ञान प्रदर्शनाचे आयोजन करण्यात आले होते.याचे उदघाटन डॉ. रुपाली धामधरे यांचेहस्ते मुख्याध्यापिका मृदुला बॅनर्जी,सुरज भोसले यांच्या प्रमुख उपस्थितीत पार पडले.याप्रसंगी अस्मिता भांडारी, माधुरी शिंदे, वैष्णवी गाढवे,सर्व शिक्षक,सेवक,विद्यार्थी,पालक उपस्थित होते.  यावेळी विद्यार्थ्यांनी विज्ञानविषयक प्रेरणादायी गीत व नृत्याचे सादरीकरण केले.सौ.सोनाक्षी विजय इंगोले यांनी विज्ञानाचे महत्व सांगतिले.    या प्रदर्शनात पीस हाऊस मधील श...

बिजवडी – गावाचे सामाजिक भान व लोकसहभाग वाढवण्यासाठी कृषिमहाविद्यालय बारामतीच्या विद्यार्थ्यांनी मिळून बिबी ता.फलटण या गावाचा नकाशा रांगोळीच्या माध्यमातून रंगविला. ही अभिनव कल्पना कार्यक्रम अधिकारी श्री. एस.पी गायकवाड सर व श्री. एस. व्ही. बुरुंगले सर यांच्या मार्गदर्शनाखाली राबविण्यात आली. तसेच कृषिदूत साहिल भिकले, चारुदत्ता बाविस्कर, तुषार शिर्के, कौस्तुभ शिपूरकर, कार्तिक चौधरी, अनुष्क लोले, आर्यन चौधरी, व ऋषी पाठक यांनी अनोख्या शैलीत रांगोळी रेखाटून आपली कला दाखवली. रांगोळीच्या माध्यमातून गावातील ग्रामपंचायत कार्यालय, रस्ते, शाळा, मंदिरे, दवाखाने, तलाव, शेतजमिनी, तसेच महत्त्वाची ठिकाणे रंगीत व सुबक पद्धतीने दर्शवण्यात आली. या उपक्रमाचे गावकऱ्यांनी व पाहुण्यांनी मोठ्या उत्साहात स्वागत केले. या उपक्रमामागील उद्देश गावाचा भूगोल समजून घेणे, पर्यावरणाचे महत्त्व पटवून देणे व लोकसहभाग वाढवणे हाच होता, असे आयोजकांनी सांगितले.